To béł szatan, nié kùr
dodano dnia
To béł szatan nié kùr
To béł szatan, szatan, szatan nié kùr!
Takô nibë cëchô wòda
Grzeczny a wëplatowóny
Co le pòwiész - wiedno zgòda
A òn z lińcucha zerwóny...
To béł szatan, szatan, szatan nié kùr!
Na mszë chòdzy pò kòlekce
Krãcy watã na festinie
Klapów na drëdżich nie klekce
A òb noce - sexi-kiler...
To béł szatan, szatan, szatan nié kùr!
Nick, że włosë czësto sëwé
I emeriturkã bierze
Cëż, że nodżi përznã krzëwé
Kò òn jesz mô mòcny kòrzéń...
To béł szatan, szatan, szatan nié kùr!
Całô wies nad kùlą stoji
Umarł łoni niespòdzajno
Dobry béł niebòszczëk Bronisz -
Wzdichna ta pòłowa grajnô:
To béł szatan, szatan, szatan nié kùr!
Tómk Fópka, Zakòpóné, 10 zélnika 2024 rokù, gòdz. 1.11 p.p.
Odwiedzin 113