Mòdlëtwa prostégò Kaszëbë
Mòdlëtwa prostégò Kaszëbë
(Dżadowskô ballada)
Nie mdã jô czurził na Niemca,
Bò tu je mòje pòle!
Nie cygnie mie zagreńca -
Bële mie robic delë...
Niech sobie imigrańtów
Ùgòscą dze w Lubece!
Më chcemë, cobë bezpiek
Nasze mia białczi, dzecë!
Niech le warszawskô mita,
Dze w grëpie wrëków wiele
Nie rëszô mòjëch dëtków!
To samò ti z Brukselë...
Wsadzeta sobie ładë,
Globalné òceplenia,
Niechc pòmòców socjalnëch!
Zdjimnijta mòjã czedã!
A òddôjta, złodzeje,
Co môta mie ùkradłé:
Te skłôdczi, zusë-srusë
Przez lata bez mòc wzãté...
Précz paje òd familiów,
Òd tegò, co je mòje!
Zbòczélstwów wmòdliwaniô,
Czwarzeniô przë kòscele!
Weznijta propagańdã
A biôjta, kòmùnyscë!
Zelony a czerwòny
Zôpadny aktiwiscë...
Niech le Amerikónie,
Co wcyg do wòjnów jurzą
Sami sobie biôtkùją
A nônôlepi w ÙSA!
Ne niepòtrzebné stółczi,
Co na nich wôżny sedzą
Spòd rzëcësków wëcygnąc!
Pòdatnik lepi wëdô...
Tej chcemë zaladowac
Co szkòdzą tëch, do miechów
A długò tak smarowac,
Bë jeden mądry òstôł...
Òn bãdze tedë królã
W môl demòkracje głupi,
Co za nią tajné służbë,
Pòcygają za sznurczi...
I niglë cëszë larwë
Nałożą niepòkórnym
Jesz rôz niech sã pòmòdlã
Mòże mdã wësłëchóny...?
Tómk Fópka, Chwaszczëno, 21 zélnika 2024 rokù, gòdz. 2.22 d.p.