Balada spòd pierz'në
dodano dnia
Balada spòd pierz'në
Wiészają piérzą
Na niebnym płoce
Sostrë a bracô aniele...
Dzecóm sã widzy,
Bò ùszłi nocë
Napada sniegù tak wiele...
Pierzëną biôłą
Przëkrëté jiwrë,
Całô swiatowô kòmùda...
Czësto òd nowa
Zglëskłò nacygłé
Na to, co nóm sã nie ùda...
Co zabôczoné
Niechóné w nëkbie
Ùpchłé w nórcëkach na pózni...
Zatabaczoné
Tak pò kaszëbskù
Ko jesz wëzwëskac sã zdążi...
Sniedżi òdgarną
Chróscaną miotłą
Kùpioną w sobòtã z rénkù...
Zeloną dzarnią
Z jastrową kroplą
Nowim wëkùkną na zymkù...
Tómk Fópka, Chwaszczëno, 11 gôdnika 2022 rokù, gòdz. 11.01
Odwiedzin 274