Ùsmiôł sã Bóg
dodano dnia
Ùsmiôł sã Bóg
Mòje bótë
To są ale Bótë!
Rôczą bùten
Z mùcą a bez mùcë.
Wej, sã ùsmiôł Bóg,
Czej szewc robił bót!
Mòje kùrpë
To są ale Kùrpë!
W nich doczurpie
Sã w krëjamny nórcëk!
Wej, sã ùsmiôł Bóg,
Czej czwarzëlë kùrp!
Mòje skòrznie
To są ale Skòrznie!
W szlap nôgòrszi
Chãtno mët je wezniesz!
Wej, sã ùsmiôł Bóg,
Zez tëch skòrzniów dwùch!
Mòje nodżi
To są ale Nodżi!
Żódny drodżi
Nie są jima srodżé!
Bò sã smiôł Nôwëższi,
Czej nodżi wëmëslił
Cobë przék a zdłuż
Swiat zwanożëc mógł!
Smiało sã Bòżëskò Dobrodzéj
Jaż zrobia sã gùbë na brodze ☺️
Tómk Fópka, Chwaszczëno, 1 gòdnika 2022 rokù, gòdz. 2.22
Odwiedzin 44