Z kùlingã do Zélewa
dodano dnia
Z kùlingã do Zélewa
Kazimierz zaprzigł kònie
Wasąg òbstrojony,
Bò dzysô Pón Jezësk
Przëjedze w te stronë!
Trzeba cepło òbùc
Familijã Swiãtą,
Cobë czasã nie zmiôr'zł
Przińdny Zbôwca swiata.
Rëszimë z kùlingã
W Zélewa czerënkù
Mòże kąsk pòzybac
Przez lëzyńską sztrëkã...
Nëże, jedzta, fóksë!
Zwónk waji pònëknie
Bòżiczk w drodze ùsnie
W Kãbłowie òdecknie...
Tómk Fópka, Wejrowò, 1 lëpińca 2022 rokù, gòdz. 4.35 p.p.
Odwiedzin 142