Wszystkie utwory ›› Jadwidze i Zygmùntowi Fópkóm na 50 lat òd zdënkù

Jadwidze i Zygmùntowi Fópkóm na 50 lat òd zdënkù

dodano dnia

Jadwidze i Zygmùntowi Fópkóm na 50 lat òd zdënkù

Nie je to z drëdżim bëc letkò człowiekã
Nierôz sã przińdze sztridowac a gòdzëc
Szczescym w zabët je wzãté, co ba lëché
A to, co bëlné - mdze w pamiãcë sedzec...

Latów piãcdzesąt przeleca jak mëga
Òni są młodi, jak miesądz na nowiu
Leno sã dzecëska zestarza përznã
A żëczą Mëmie a Tatowi zdrowiô,

Wiele pòcechë z Jich wnuczków a wnuków,
Bë wcyg bëlë bùszny z tegò, co robią
A wëstrzód wielnëch robòtów, nôùków -
Zazdrzą na gòscënã, pòwiedzą słowò...

Familia jak nen ògród, dze Jich Dwòje
Są jak ògardnicë, òbseją zemiã
Cobë co ùrosło - dëbelt pòdleją
A czasã nipòcą wërwią bëlëcã...

Czedë ùrosce, kwiatama zakwitnie
Brzadë przëniese lëdzóm na pòżëtczi
Sadnie Dwòje Ògardników a wzdichnie:
- Bòże, dôjce nama tak jesz pół setczi...

Tómk Fópka, Chwaszczëno, 3 lëpińca 2022 rokù, godz. 1.17 p.p.

 

Odwiedzin 53
Strona korzysta z plików cookies w celu realizacji usług i zgodnie z Polityką Plików Cookies.
Możesz określić warunki przechowywania lub dostępu do plików cookies w ustawieniach Twojej przeglądarki.