Na Bòżé Cało
dodano dnia
Na Bòżé Cało
Cało i Krew Pana
W hòstii zataconé
Òbez Eùcharistiã
Swiãtã wëwëższoné...
Kòżdô Ewanieliô
Z wôłtarzã jak chëczą
Garną lëdze wiérny
Pòbòżną procesją...
Sëpią dzôtczi kwiôtczi
Znaczą drogã Bòga
Niesą feretrónë
Żëwi òbrôz z òkna...
Śpiewą: Jidze, jidze
Przëwtórzają trąbë
Rok w rok przezérk wsowi
Hewò w brómie szôłtës...
Sadną nachòdzałi
Lëdzëska przë grilach
Achtną doma swiãto
Szescopakã piwa...
Tómk Fópka, Chwaszczëno, 18 czerwińca 2022 rokù, godz. 3.32 p.p.
Odwiedzin 36