Czëtanié lëdzy
dodano dnia
Czëtanié lëdzy
Pòzéróm nawkół
I czëtóm lëdzy
Wmikóm w jich dësze
Zdrzã bez jich òczë....
Łzów Himalaje
Bajkałë żôlu
Krziwdą jak mechã
Zarosłé serca...
Niewërozmióny
Niedoachtniony
Ze skradłim kòłã
Z zapadłim niebã...
W za wiôldżich bótach
W kòszlë za môłi
Z ùswiãdłim kwiatã
W zabëtëch datach...
Słowò za wiele
Ùsmiéch za mało
Pòdanié rãczi
Òdjimk z przëjãcô...
Tej-sej sã trafi
Czëstô jak zdrzódło
Skrzącô kriształã
Dzecka zabawa...
Tómk Fópka, Chwaszczëno, 18 czerwińca 2022 rokù, gòdz. 5.34 d.p.
Odwiedzin 36