Pëtanié ò drogã
dodano dnia
Pëtanié ò drogã
Nôprzemëslniészi
Dbów Architekce
Jaką mie wskôżesz stegnã?
Mdze to tur lżészi,
Czë jakô drëfta?
Drebòlëc mdã? Pòbiegnã?
Pùdze to przidkò
Z nosã przë zemi
Z kraloma jak kòrzenie?
Czë jak stół równo
Z widnikã niemim,
Co òdpòczink bédëje?
Próżno sã pitóm.
Zamkłé je bióro
A zasztëkónô szëflôda...
Jô le jem pichã
A bòbkã szura -
Sëwô jiscënków broda...
Klikniesz klawiszã
I swiat sã skùńczi -
Ekran swiécy na czôrno...
Bãdze to dzysô?
W pòł'wie lëpińca?
Ach, to ju bëło wczora...
Tómk Fópka, Chwaszczëno, 18 czerwińca 2022 rokù, gòdz. 5.03 d.p.
Odwiedzin 30