Żëcé I
dodano dnia
Żëcé I
Czej dzeckò sã rodzy
Z brótã chleba -
Daje Bóg radã
Jak dôł i dzéń...
Pòłikôsz wzorë niepòtrzebë
Wiérztë zmùdë na pamiãc
Robią z ce w szkòłach
Òbiwatela pòkórnégò...
Czurzisz, rakarzisz
Rzeszôsz kùńce przedërchaniô
Òd spłatë do spłatë
Pòd bankòwą seczerą...
Sztótë ùcechë
Sztãplëjesz smiéchã
Zjész, wëpijesz, ùżëjesz
Pòżëjesz...
Nierôz je czëc, jak
Czurpią profani
Pò twòjim grobie,
Co jesz gò ni ma...
Wiater z tobą
Gòspòdarzi, jak z pichã
Po lózym klepiskù
Lëdzczi òbòjãtnoscë...
Tak dzywno pùsto
Sã robi narôz
Jak dzura w pamiãcë
Òbczas akademie...
I pòzywôsz na nowò:
Szafa, łóżkò...
Ùczisz sã alfabetu
Swiata...
Tómk Fópka Chwaszczëno, 12 czerwińca 2022 rokù, gòdz. 8.32 p.p.
Odwiedzin 95