Brubrumkno
dodano dnia
Brubrumkno
Òdpôlony, na òbrotach
Spôlëznë bez rórã lecą
Zëma biôłô, jeséń złotô
Czadzy bez wies jak nen przecąg...
Brum, brum, brum...
Nié za wiôldżi, nié za môłi
Zmiescysz róbzak, białkã, dzecë
W kòżdi zôkrãt sã wtromòli
A pòd górã sã dowlecze...
Brum, brum, brum...
Ga przescygniesz - w môlu stôwô
Jaż na ruce płaskô mùnia
Czej jes bënë, sã wëdôwô
Cëchò, sëchò, jak zómk króla...
Brum, brum, brum...
Zaparkùjesz w bële jómce
A wërëgniesz do robòtów
Czedë wrócysz, mërgô Fópce
Że òn żdaje, że òn je tu...
Brum, brum, brum...
Zeżgrze roscëskò do nédżi
Blachã, co sã bùsznia farwą
Tej na szrot drëcha wëwiezesz
Nigle sã sedzenia zarwią...
Brum, brum, brum...
Tómk Fópka, Chwaszczëno, 6 gòdnika 2021 rokù, gòdz. 12.17
Odwiedzin 60