Chłop z metką
dodano dnia
Chłop z metką
Żdaje na aùtobùs
Chłop z na szëji metką
Kò wszëtkò kòsztëje
Ni ma, ni ma letkò...
Òczë mrużã, kùkóm
Kùli przińdze taczi
Stówa żëwi wôdżi
Czësti òd tobaczi...
Bótë mô schòdzałé
Słëchùlczi, mòbilkã
Cos so w ni przewijô
Cawną żdaniô chwilkã...
Czôrno-sëwé klatë
Wiater mù szãtoli
A malinkô metka
Wëszczérzô sã biôłim...
Narôz, wej, szarmëcél
Nadjacha czerwòné
Cëż je, cëż na metce?
"Towôr je z przecenë"...
Tómk Fópka, Chwaszczëno, 9 rujana 2021 rokù, gòdz. 10.51 d.p.
Odwiedzin 56