Nokturn Lunë
dodano dnia
Nokturn Lunë
Miesądz je białką snôżą, co
Mani, przechłoscywô,
Òchli wanożnégò:
- Mògã bëc twòją. Mòżesz mie miec.
Nie mùszisz głowë zadzerac
To jô pòdniesã sëkniã z widu
I wmikniesz we mie.
Mdze nóm cepło
I bãdzesz sôł do wëczecznieniô...
Dodrzeniejã twim sokã jak tomatã
Nabùczniejã brzątwienioma,
Rojenim zjiscëwaniô...
Dóm cë sëna,
Co mdze gòrnią nocnëch wãdrów...
Mòżesz mie miec. Mògã bëc twòją...
Tómk Fópka, Chwaszczëno, 21 séwnika 2021 rokù, gòdz. 6.52 d.p.
Odwiedzin 41