Ò czim cwirzkają ptôszczi
dodano dnia
Ò czim cwirzkają ptôszczi
Na pargù dnia?
Są to pludrë nônowszé
Chto z kògúm, jak...?
- Co ta dzëwô Warblënô
Zôs zniosła jôj!
Òjcã bòdôj je bòcón -
Zlecôł krôj, rôj...
- Mają dawac wspòmóżczi
Zôrno na dzëb...
Za to pòdatkù pióro
Weznie cë KÒT...
- Lëdze ùjãlë lasu
Òdnąd-donąd...
Tej na czim terô sadnąc
Z warną stôrą...?
Sowa zaknipie z bòra
Cos ò wòjnie
Kùńc ptôszégò wiesela! -
Gòłąb krziknie...
Ò czim cwirzkają ptôszczi
Na pargù dnia?
Tegò jidze sã doczëc
Prosto z òkna...
Tómk Fópka, Chwaszczëno, 5 maja 2023 rokù, gòdz. 6.46 d.p.
Odwiedzin 29