Wszystkie utwory ›› Ju nie zéńdzemë sã tak młodo

Ju nie zéńdzemë sã tak młodo

dodano dnia

Ju nie zéńdzemë sã tak młodo
Karnu KÒLECZKÒWIANIE - na 50 lat dzejaniô

Ju nie zéńdzemë sã
Tak młodo,
Chòc słunkò zaswiécy
Nad drogą,
A wiater bãdze nas
Pchôł dali -
Jesz òbezdrzimë sã
Cekawi...

Za tim, co bëło
Z żëcô òdjimczi
Dze tata z mëmą
Miłé wspòminczi
Czej bëlë razã
W deszczu, pògòdze
Przenëkną nama
Z ùsmiéwkã, w zgòdze...


Flot zminie wieku pół,
Przelecy
Pòbłogòsławi Bóg
W robòce
I ti, co mają dzys
Lat pôrã
Pòcygną ten nasz wóz
Nasz rozwark...

A to, co bëło
Z żëcô òdjimczi
Dze tata z mëmą
Miłé wspòminczi
Czej bëlë razã
W deszczu, pògòdze
Przenëkną nama
Z ùsmiéwkã, w zgòdze...

Tómk Fópka, Chwaszczëno, 22 maja 2023 rokù, gòdz. 00.34 d.p.

 

Odwiedzin 15
Strona korzysta z plików cookies w celu realizacji usług i zgodnie z Polityką Plików Cookies.
Możesz określić warunki przechowywania lub dostępu do plików cookies w ustawieniach Twojej przeglądarki.