Żniwny sonet
dodano dnia
Żniwny sonet
Òd tëblów pòżniwnô nas witô pôcha,
Z narobiałima rãkama, ùsmiónëch
Nas, lëdzy tak cwiardëch a mitczëch dëchã
Kaszëbów, w przińdnosc naszëch dzôtk zazdrzónëch...
Redotnym, bòcónowim klekòtanim
Roda zwiastëje stwòrziwanié żëcô
Chcemë pòzdrowic Bòga bédowanim -
Co w jimiã bòsczé òrzą, sëją, seką...
Niech nen chléb na stole òżniwinowim
Przëdô nama gónów wcyg arastniészëch
Zôrno miłotë, nôdzeji brzôd nowi...
Z wiarą wpùszcziwómë w zemiã te słowa,
Że rozprzeniosą sã w kłos stolëmòwi
Òkrëszënë w brótë zmienią w dodomach...
Tómk Fópka, Chwaszczëno, 30 zélnika 2023 rokù, gòdz. 6.18 p.p.
Odwiedzin 36