Szëmaùdzczé nótë
Szëmaùdzczé nótë
Kòl Trójgardu, na Kaszëbach
Nańdzesz wszëtkò, co je trzeba:
Wszëtcë razã robią w grëpie,
Cobë bëło jeszcze lepi:
Szôłtës, strażôk a zrzeszenié,
KaGieWù a firmë wielné,
Radny, probòszcz, klub spòrtowi,
Ti z kòrzeniama, ti nowi,
Wójt, ùrzãdnicë ùsmióny -
Pò kaszëbskù je gôdóné!
Chcesz - zakrãcysz sã na rondze
W Centrum znowù bëlny kòncert!
Kòleczkòwianie zagrają,
Jagiellonczi zaspiewają,
Mómë jezora i lasë -
Chãtno jeżdżą tu na wczasë!
Same mądré dzecë w szkòłach!
Ksążk skòpicą w bibliotekach!
Klôsztornice na Grabówcu
A Kaszëbską Trasą ruk-cuk!
W Czelnie chùrë wkòło Krziża,
W Szëmùdze - gòdowé spiéwë.
Czej òrkestra marsza zagrô -
W gminie robi sã paradno:
Wnet òblekną, co wëszëté
I tobaka je zażëtô!
Je achtniony - chto zasłużił,
A niechóny - chto przeskùrził...
Nasz Tadeùsz we Wejrowie -
Pierszi żiwcã lóny człowiek!
Alpinistka Kinga z Łebna,
Co nôwëższé górë pòzna.
Lëdze cwiardi a robòcy
Môl nôlepszi tu do żëcô!
Wszëtkò je a mało ni ma -
Takô je szemaùdzkô gmina!
Tómk Fópka, Chwaszczëno, 9 strumiannika 2024 rokù, gòdz. 9.07 d.p.
W basen wskòkniesz so do wòdë
Zatabaczisz tej na zgòdã