Strażôkóm w Jich swiãto
dodano dnia
Strażôkóm w Jich swiãto
Jadą Môrcën i Mateùsz
Lôc na òdżin zëmną wòdą
Gnają Rómank, Gùst, Werónka,
Bò sã pôli we wsë sąsôd!
Mają kasczi, rãkawice
Co brëkòwny, statk gasniczi
Chãcë wiele, wiele wiarë
Co nie dadzą sã wëpalëc...
Wëprowadzą z chléwa chòwã,
Cobë nie zatchnã sã dëmã
Starkã wëniesą w pierzënie
Mdze skòpicą swiniarëje...
Scygną kòta z drzewa czëpù
Szerszéniowi rój wënëkną
Pòwstrzimają samòbójcã
Są, czej aùtółë sã zbùcna...
Lëdzczé żëca a dobëtczi
Bez straż naszą mdą bezpieczné
Deszcz ùcëszi slédné płómczi
Wiater précz wënëkô smródczi...
A czej Flórka bãdze swiãto
Òchòtniczô Straż Pòżarnô
Dost'nie krucëskò achtnieniô:
Bòże pòmagôj w służenim!
Tómk Fópka, Chwaszczëno, 4 maja 2024 rokù, gòdz. 3.16 p.p.
Odwiedzin 127