Naszi chłopi
Naszi chłopi
(dla KGW "Sercem podszyte" w Sierakowicach)
Zbiszk mô aùtkò pierszô klasa
Brunk zôs piãkno spiéwô basã
A Mateùsz czarzi w kùchni
Z Riszkã nigdë nie je smùtny...
To naszi chłopi, chëczowé skarbë
Sami spòsobny jak Ken òd Barbie
Mùskùle mają jak Szwarzenegrë
A czedë trzeba - są jak ne ògrë...
To naszi chłopi, bez nas wëbróny
Kòżdi je baro mòcno kòchóny
Czedë mdze grzeczny - dostónie jestkù
Czej za nôrëmny - prosto pò pëskù...
Józef mô trzë doktoratë
Janusz bùdkã, dze są kwiatë
Tóna trëkrã òrze pòle
Władi ùczi w strzédny szkòle...
To naszi chłopi...
Jakùb pisze do gazétë
Rómk w ùrzãdze maklô kwitë
Tadi graje na wieselach
Mô na konce sztërë zera...
To naszi chłopi...
Tómk Fópka, Chwaszczëno, 13 łżëkwiata 2024 rokù, gòdz. 4.14 p.p.