Kòlãda trzech pasturków
dodano dnia
Kòlãda trzech pasturków
Wczerpòcemë jajów
Przegrëzemë chlebą
Òbùjemë kòżëch
Jaką mùcã z nëbą..
Jaczi szal wéłniany
Z pôlcã rãkawice,
Cobë më nie zmier'zlë
Bë nie wisa swiéce...
Riszk sã zameldëje
Z Bòlesã a Frãckã
W szurkù kòl Jezëska
A Gò kùszną w rãczkã...
Biôjczkôj bùten, biczkù
Tak głosno nie mùcze
Cobë sã Zbawicélk
Zdrzémknąłkôł chòc sztócëk...
Dadzą Dzeckù darë,
Wszëtkò kùpczé, swiéżé
Marija sã ceszi
Józef sã òbliznął...
Jesz Knôpiã na drogã
Kąsk pònaczawroce
Pùdą nazôt reno
Za czim jic po nocë...
Tómk Fópka, Kãbłowò, 26 rujana 2022 rokù, godz. 4.15 p.p.
Odwiedzin 139