Nowa etiuda literacka. Polecam!
Właśnie napisałem kolejną etiudę literacką. Polecam zwłaszcza dla zaawansowanych w języku!
Na czas dërdaniéetuda Kùrón szesnôstégò maja, czó!- zniósł trzë jaja W niedzelã ò przëpôłnim ten przëtrôfk béł dzywny... A z rena, tak ò czwiôrti przëszedł dodóm Môrcën Tłómaczëc cos próbòwôł, le tôczël miôł z mòwą... Ti nocë rujanowi Tédór w rzéce łowił I złapił leno wilka- w krziże weszło bidlã... Za póznégò Wałãsë sã zbrzątwia psë kãsé Nie łajac ju wiãcy, póczi bùnczi mdą drãczëc...Pò mszi kòl wieczórka zjadła Mariszka gùrkã A Tréza lëmòwatô ba na nia złô za to... W gromicznika mrozë jaczis chłop zaczął stożëc Że wprowadzą pòdatczi òd cemny tobaczczi... Òb zëmã w òkòlim Kacka widzelë Macka Jak kòzëszcze na łąkã prowadzył ze zwónkã... Zawczora kòl pół trzecy strażôk òdżin zniecył Bë priszczówka wëcwiczëc- chòwie zëmno, kwiczi... A jeden zmiarti bòjsa dzysô szedł do krôwca Chcôł zasztëpòwac bùksë pòdzarté na pórce... W czerwińcu scësna żmicha sznëpa, zaczął czichac Chrochtac, plëwac, rzëpic a driakwie nie chcôł wëpic... W nocë na jeseni gbùr gnoju miôł trzãsenié I gôdôł: nick nie wadzy zëmą bùlwë sadzëc... We strzodã bëło rzekłé, że bãdze plińc piekłi Wzął Bóg òbezdrzôł szkòdã- nie da plińca, nie da... Chłopiszcze wiôldżi wiżë niwczora zja dwiérze I wpùsca lëft do bëna zasmiardłégò młëna... W łżëkwiace mésterka wganiô lubia cëganic Czej bùten mòckò pada, rozmia słuńce wgadac... Zãbòlëlë sã dosc tëli z pùcczi kapeli Ga w séwnikù przë swiãce skażoné mia dãcé... Zwiãksza wiertel ósmi w kòwôlowi szaruzni Sã òbagniła òwca na kawôłkù telca... We wtórk ùczëté miôł sąd: kò të pò prôwdze schùdł! Jo-jo- òn na to i w piątk do kòlón sygôł żót... Tómk Fópka, Chwaszczëno, 20 zélnika 2011 rokù, gòdz. 14.06